الاسلام السياسي

عندما تذكر كلمة -سياسة- في مصر تذكر ما تسمي بال-جماعة المحظورة(الاخوان)-
حين كنت مؤمن بالاسلام و كنت اسمع عبارة -الاسلام هو الحل- ترن في اذني 
كنت اعتقد ان فعلا الاسلام هو الحل لجميع المشاكل فهل هناك حل افضل من حكم الخالق ؟ 

هذا هو ما يعتقده كل مسلم 
فمعظم مصر مسلمين , فببساطة فوز الاخوان في اي انتخابات امر لابد منه في ظل حكم بدون تغيير لمدة قاربت ال30 عام 

لن اقول ان حكم مبارك يستحق ان يستمر فمصر تحتاج فعلا الي تغيير و لكن في ظل وجود ما يسمي بالاخوان اعتقد ان الحياة السياسية مقضي عليها فببساطة من قادر علي منافسة الخالق ؟ 

لكن بعد البحث و التنقيب عن اهداف هذه الجماعة وجدت ان اهدافهم دينية بحتة فاخر ما ينظروا اليه هو التنمية الاقتصادية و البشرية و  كل مظاهر الحياة ...
ببساطة فكرهم هو تطبيق الشريعة الاسلامية بفصل بين الاناث و الذكور و فرض النقاب و غلق المحلات اوقات الصلاة الخ ...

فبدل ان يصبح هدف الدولة التنمية الاقتصادية و زيادة فرص الاستثمار و تقدم التعليم و تقوية البنية التحتية يصبح ما ذكرته من فرض تعاليم دينية  هو هدف الدولة الاساسي

ولكن هل بالصلاة و الدعاء سنتقدم ؟ هل فصل الاناث و الذكور في الجامعات سيجعل مستوي التعليم افضل ؟ هل اغلاق المحلات وقت الصلاة سيقوم بعمل ثورة تجارية و صناعية ؟

ببساطة  هدف الدولة الاسلامية هو رضا الله , و لكن هدف الدولة المدنية ( لم اقول  العلمانية لانها كافرة في نظرهم ) هو رضا البشر  و هنا نقع في مشكلة 


يعتقد المسلم ان الانسان هو عبد  لهذا الرب و رضاه هو من رضا الرب و اذا رضي الرب علي العباد فستتقدم الدولة


و لكن اذا اراد البشر رضا انفسهم وقاموا بعمل الفواحش من تحليل البنوك و التعامل التجاري مع الدول الكافرة   الخ..  فببساطة هذا يتعارض مع رغبة الاله فسيذلهم الله و لن يحدث اي تقدم او رقي طالما الله ليس راضي علي العباد  و طالما(ان السيدات تلبس ال-بنطلون-) فمستحيل ان  يحدث اي تقدم

هذه نظرة السلمين للسياسة 
سأذكر قصة حدثت لي تبين ما هو هدف المسلمين 
كان هناك معيد في الجامعة مسلم متشدد (ملتحي) قال لنا ان هدفه هو الوصول الي كرسي العميد حتي يفعل شيء واحد فقط و هو- فصل الاناث و الذكور - ليس في الكلية فقط بل في الجامعة كلها و انه لو قادر سيغيرها في كل الجامعات


لم يذكر ان هدفه هو ادخال مناهج حديثة تتناسب مع سوق العمل 
لم يذكر انه سيقوم بتطور المعامل و القاعات الطلابية 
لم يذكر انه سيقوم بتطوير المناهج
لم يذكر  انه سيقوم بزيادة المرتبات


لقد نسي كل المشاكل و لكنه تذكر اكبر مشكلة و هي ( فصل الانات و الذكور ) 


المسلمون يعتقدوم ان حل مشاكلهم لن يأتي بالعمل بل سيأتي بشيء واحد فقط و هو رضا الله فقط

اخي المسلم هل ما زلت معتقد ان الاسلام هو الحل ؟ 
اليس من الافضل الاهتمام بالامور الدنيوية و العمل ؟ 
اليس من الافضل اختيار حزب مدني يدعو الي التغيير للافضل بدل من اختيار الحزب الاسلامي الذي سيجعلنا في مؤخرة الامم ؟ 


اعتقد ان كل ما قلته لن يهز شعراية في راس المسلم لأنه ببساطة (مؤمن ايمان لا شك فيه) ان هذا الاله موجود و لكن ايها المسلم اذا كان حقا الهك هذا موجود كان لابد ان الدول التي -جربت- تنفيذ الشريعة ان تكون في قمة الدول في التقدم و الرقي 
سأعطي لم مثال لأثبت لك ان الحكم الاسلامي ليس الافضل : 
الهند و باكستان انفصلوا علي اساس ديني 
الهند طبقت العالمانية 
باكستان طبقت الشريعة الاسلامية 


الهند الان تنافس الدول الاقتصادية الكيري 
باكستان ينتشر فيها الارهاب و التخلف و تردي الحال الاقتصادي 


كيف دولة كافرة ( الهند ) تصبح افضل من دولة مسلمة ( بكاستان ) ؟ 
اليس هذا دليل كافي لتسأل نفسك هل فعلا الله موجود ام انها كذبة ؟ 

الاسلام يرعب ( علي لسان المسلمين انفسهم)

و انا بقلب في النت وجدت هذا الفيديو 

و يقولون ان دينهم هو دين الرحمة

بسم الله الرحمن الرحيم

بفرض ان هناك انسانا يتميز بصفة معينة و لكن يفعل عكسها فهل يستحق هذه الصفة ؟ 
 فاذا كان هناك انسان صادق و لكن تجده في بعض الاوقات يقول الكذب فهل هذا الشخص يستحق لقب صادق ؟ 

-بسم الله الرحمن الرحيم- يبدا المسلمين كلامهم بهذه الجملة التي تبين ان الله رحمن رحيم و لكن هل الرحمة فعلا صفة من صفات هذا الخالق ؟ و لكن كيف يصف الله نفسه بصفة معينة ثم يفعل افعال قاسية مثل العذاب الابدي مثلا 
ما سأحاول توضيحه في هذا المقال ان الله بعيد كل البعد عن الرحمة و العدل و مدي التعارض في القول و الافعال لهذا الاله ال-رحيم-

و الان لنقم بحسبة بسيطة  لنحسب عدد من يدخل الجنة
عدد سكام العالم حوالي 6.7 مليار 
20 % مسلمين يعني حوالي 1.5 مليار مسلم 
بالطبع ليسو جميعهم مسلمين عن حق فأكيد فيهم المنافقين يعني حوالي 10% منافقين من ال 1.5 
و ايضا هناك المجرمين و الذين قامو بالكبائر و ماتو قبل ان يتوبوا  هم حوالي 5% 
و من تعدت سيئاتهم حسناتهم بأحسن الاحوال حوالي 20%
يعني كدة المسلمين الحقيقيين حوالي مليار
طب بص يا سيدي في حديث بيقول 
"وستفرق أمتي على ثلاث وسبعين فرقة، كلها في النار إلا واحدة."
لنفترض ان المسلمين تفرقو الي 72 فرقة متساويين العدد و ان الفرقة الفائزة هي واحدة منهم
اذن بقسمة الرقم الباقي علي 72 نجد ان ما تبقي من المسلمين حوالي 140 مليون  
140 مليون مسلم سيدخلون الجنة و يحصلون علي  الخلود و حور العين الخ ...

فما اكثر رحمة هذا الاله العظيم الذي ادخل المؤمنين جنته  و كرمهم علي باقي الخلق 

و لكن دعونا لا ننبهر برحمة هذا الاله 
لقد نسينا امر ما تبقي من البشر ما هو مصيرهم ؟  
ما تبقي من البشر حوالي 6.5 مليار انسان
طبعا مصيرهم جميعا هو النار خالدين فيها و بئس المصير 
فمعظمهم لم يؤمن بالاسلام 
و الدين عند الله هو الاسلام  -و الاسلام فقط -
والله يغفر اي ذنب من الذنوب الا ذنب واحد فقط و هو عدم الايمان بالاسلام 
فحتي المسيحيين و اليهود بالرغم من ايمانهم بالله فهم في النار لانهم لم يؤمنوا برسوله الكريم 
فبفرض ان هناك كافر جيد يفعل الخير و و يساعد الفقراء و يقول الحقيقة و يعمل بجد الخ
و هناك انسان مسلم يكذب و يفعل الفواحش و لا يساعد الفقراء  و لكنه مؤمن بالله و مات و هو علي ايمان 
فنجد ان الكافر سيدخل النار بدون حساب 
و لكن المسلم سيحاسب و ستحسب له الحسنة بعشرة امثالها فمهما كانت حسناته قليلة بالنسبة لسيئاته فسيدخل الجنة 
فهذه هي رحمة الله التي يتكلمون عنها ؟ هل هذه هي الرحمة الحقيقية ؟
اين ما يسمي بالعدل؟

تروي دائما قصة تحكي مدي رحمة الله
 النص الحرفي لها 
"عنْ أبي سعِيدٍ سَعْد بْنِ مالك بْنِ سِنانٍ الْخُدْرِيِّ رضي الله عنه أَن نَبِيَّ الله صَلّى اللهُ عَلَيْهِ وسَلَّم قَال : « كان فِيمنْ كَانَ قَبْلكُمْ رَجُلٌ قتل تِسْعةً وتِسْعين نفْساً ، فسأَل عن أَعلَم أَهْلِ الأَرْضِ فدُلَّ على راهِبٍ ، فَأَتَاهُ فقال : إِنَّهُ قَتَل تِسعةً وتسعِينَنَفْساً ، فَهلْ لَهُ مِنْ توْبَةٍ ؟ فقال : لا فقتلَهُ فكمَّلَ بِهِ مِائةً ثمَّ سألَ عن أعلم أهلِ الأرضِ ، فدُلَّ على رجلٍ عالمٍ فقال: إنهَ قَتل مائةَ نفسٍ فهلْ لَهُ مِنْ تَوْبةٍ ؟ فقالَ: نَعَمْ ومنْ يحُولُ بيْنَهُ وبيْنَ التوْبة ؟ انْطَلِقْ إِلَى أَرْضِ كذا وكذا ، فإِنَّ بها أُنَاساً يعْبُدُونَ الله تعالى فاعْبُدِ الله مَعْهُمْ ، ولا تَرْجعْ إِلى أَرْضِكَ فإِنَّهَا أَرْضُ سُوءٍ ، فانطَلَق حتَّى إِذا نَصَف الطَّريقُ أَتَاهُ الْموْتُ فاختَصمتْ فيهِ مَلائكَةُ الرَّحْمَةِ وملائكةُ الْعَذابِ . فقالتْ ملائكةُ الرَّحْمَةَ : جاءَ تائِباً مُقْبلا بِقلْبِهِ إِلى اللَّهِ تعالى ، وقالَتْ ملائكَةُ الْعذابِ : إِنَّهُ لمْ يَعْمَلْ خيْراً قطُّ ، فأَتَاهُمْ مَلكٌ في صُورَةِ آدمي فجعلوهُ بيْنهُمْ أَي حكماً فقال قيسوا ما بَيْن الأَرْضَين فإِلَى أَيَّتهما كَان أَدْنى فهْو لَهُ، فقاسُوا فوَجَدُوه أَدْنى إِلَى الأَرْضِ التي أَرَادَ فَقبَضْتهُ مَلائكَةُ الرَّحمةِ » متفقٌ عليه. وفي روايةٍ في الصحيح : « فكَان إِلَى الْقرْيَةِ الصَّالحَةِ أَقْربَ بِشِبْرٍ ، فجُعِل مِنْ أَهْلِها » وفي رِواية في الصحيح : « فأَوْحَى اللَّهُ تعالَى إِلَى هَذِهِ أَن تَبَاعَدِى، وإِلى هَذِهِ أَن تَقرَّبِي وقَال : قِيسُوا مَا بيْنهمَا ، فَوَجدُوه إِلَى هَذِهِ أَقَرَبَ بِشِبْرٍ فَغُفَرَ لَهُ » . وفي روايةٍ : « فنأَى بِصَدْرِهِ نَحْوهَا » . "

تروي القصة ان هناك احد البشر قد قتل 99 روحا و لكنه اراد التوبة فذهب الي احد الشيوخ فقال له ليس لك توبة و انت في النار 
فقتله هذا الرجل ليكمل المئة و سئل عن اعلم اهل الارض فدلوه اليه فسأله فقال هناك قوم تعبد الله اترك ارضك و اذهب اعبد الله معهم
فقرر ان يسافر الي هذا البلد ليبدأ حياة جديدة ولكنه يموت في وسط  الطريق و لكن الله يجد انه مات و هو اقرب بشبر الي ارض الاخيار فيدخله الجنة


نري  كم هي رحمة هذا الخالق الذي غفر لانسان قتل 99 روحا 


والان لنري قصة اخري
” عن هشام، عن أبيه، عن أبي هريرة، انّ رسول قال:عُذِّبت امرأة في هرة لم تُطعمها ولم تُسقها ولم تتركها تأكل من خشاش الاَرض”


و الان نري مدي قصوة الله الذي عذب امرأة لانها قتلت قطة و لكنه يغفر الي رجل قتل 100 انسان ....

لن اتكلم عن التعارض الواضح و لكن بما ان الله رحمن رحيم لماذا لا يغفر الله لهذه الانسانة فقد تكون قد قتلتها لانها تخاف من القطط مثلا
فانا قد قتلت فأرا من قبل فهل هذا سبب كافي لان ادخل النار ؟ 
هل القطة تستحق الحياة و الفأر لا يستحق الحياة مثلا ؟ 
لا افهم و لكن اذا كان الله رحيم كان الاولي ان يغفر للسيدة التي قتلت القطة و ليس الرجل الذي قتل 100 نفس 

و لكن ما اراه واضح  وضوح الشمس ان الله يهتم بالايمان به اكثر من اي شيء 
فالفتنة اشد من القتل -الفتنة تعني الكفر-
و ايضا جعل عقاب الردة هو "القتل" و هو نفس عقاب القتل مع الفارق ان القاتل يمكن ان يدفع تعويض لأهل القتيل فلا ينفذ الحد ! 
ما هذا الجنون بالايمان و جعل الكفر هو اكبر جريمة في حق الله و الانسانية و من يكفر فليس له حساب اصلا ...

الكفر ليس شيئا بهذا السوء فهو لم يقتل 99 نفسا و حتي لم يعذب القطة ...
من الممكن ان يولد انسان و يموت و هو لا يعلم شيئا عن الاسلام سوي الارهابيين فطبيعي ان لا يؤمن بالاسلام
فما يجد بعد موته الا عذاب ابدي ! هل هذه رحمة ؟


و لكن بفرض ان الكفر جريمة بشعة 
فلابد ان يتماشي العقاب مع الجريمة 
هل تستحق جريمة الكفر العذاب الابدي ؟ 
و اذا كانت هي جريمة من هو الضحية ؟ 
فجريمة بدون ضحية عقابها هو العذاب الابدي -ما هذا العدل و الرحمة-

لا اعلم كيف انهي هذا الموضوع و لكني احس بضيق شديد من هذا الاله اذا كان موجود 
فهذا الاله ظالم متكبر كل ما يريده هو ان يعبده الناس و يركعو له 


اعتقد ان اذا كان هناك اله فيجب ان يكون عادل و رحيم و هذا يتعارض مع الاسلام تعارض تام 
فإله الاسلام هذا ما هو الا وهم  صنعه محمد 

لا اكراه في الليمون

اذا جئت و قلت لك لا اكراه في الليمون ماذا تفهم من هذه الجملة ؟ 
انت: افهم ان من حقي اكل لمون و اشرب لمون او اعملو سلطة طحينة الخ الخ الخ 
طب افرض بعد كده جيت قولتلك انك لو بعد ما كلت لمونة و قمت تفيتها هولع فيك بجاز وسخ   ؟
انت : يبقي انتة  متخلف و عربيد و ملكش كلمة ازاي تقول لا اكراه و تلوقتي عايز تولع فيا انتة عبيط ؟

القران بيقول { لا إكراه في الدين قد تبين الرشد من الغي } (البقرة:256)
بعد كده الرسول الكريم جه و قالك  ‏(‏من بدل دينه فاقتلوه‏)
لا تعليق .... 


بحثت عالنت لعل و عسي الاقي تبرير لهذا الكلام المتناقض 
المهم لقيت الرابط ده


بص يا سيدي بيقولك ايه 
ان لا إكراه في الدين هنا عند الدخول في الإسلام يعني اوكي كل لمون زي منتة عايز
و قال ان عند الخروج من الإسلام بعد معرفته وبعد الدخول فيه يجب تنفيذ الحد و هو القتل  
يعني لو بعد ما اكلت اللمونة تفيتها يبقي لازم نولع فيك انتة و اللمونة

و نعملك محشي لمون كمان

طبعا الراجل ده بيحسسك انو بيكلم عيل صغير عندو تلات اربع سنين و اي حاجة هيصدقها بحسن نية 


بقة يا  لمونة يبن اللمونة ازاي اقولك لا اكراه في اللمون و بعد كده لو  تفيت  اللمونة  نعملك محشي لمون و هوة مفيش اكراه في اللمون اصلا


يعني مفيش اكراه في الدين بس الي يخرج منو يتقتل ... قمة العقلانية و المنطق




طبعا الواحد قرف من كتر تف اللمون

 

الي يغيظ بقة سبب قتل  المرتدين  -الي بتتف اللمون-

"فهو عضو فاسد يجب بتره، وإراحة المجتمع منه؛ لأنه فاسد العقيدة ويخشى أن يفسد عقائد الباقين، لأنه ترك الحق لا عن جهل، وإنما عن عناد بعد معرفة الحق، فلذلك صار لا يصلح للبقاء فيجب قتله"

-فاسد ... انتة تعرفني منين عشان تقول فاسد لا بقة انا صالح  - انا طالب متفوق في كلية مرموقة -  و اصلح منك و من الي جابوك
-يجب بتره ... انتة شكلك بتشوف افلام  snuff
-اراحة المجتمع منه ...  هو عمل ايه للمجتمع لما غير فكره ؟ مش احسن من الفكر الي بيشجع علي القتل و سفك الدماء ؟
-فاسد العقيدة .... سيبنالك انتة اللمونة 
-يفسد عقائد الباقين ...  طب ليه متقولش اصلاح ؟  بالذات و ان المجنمع الاسلامي فاسد اصلا مش محتاج حد يفسدو ....
-لأنه ترك الحق   ...  وانتة  تركت حقوق الانسان و حقوق الاطفال  و حقوق المرأة  و حقوق الحيوان كل الحقوق الي معترف بيها -عالميا يبقي انتة الحق ؟ لا و كمان عايز تاخد حقي في الحياة ؟
-لا عن جهل ...  طب كويس انك عارف ان الملحدين مش جهلة 
-و انما عن عناد  ...  اه اصل انا صعيدي 
-بعد معرفة الحق ... لو كنت عرفت انه الحق هل يا تري كنت ارتديت ؟
-فلذلك صار لا يصلح للبقاء .... انتة شايف كده ؟ انتة حر 
-فيجب قتله .... لا هنا و ستوب ! ليه بقة ؟


مش دينك ده دين السلام - بأمارة السلام عليكم -  و عايز تقتل الانسان لمجرد تغير فكره ... 

انتة كده بتغصب الي فكره اتغير بينة و بين نفسه انو يبقي منافق
ازاي يقول انا ارتديت و لو قال كده هيتقتل ؟
ليه تخلق جو من النفاق الاجتماعي ؟ 
مش النفاق ده ضد الاسلام ؟
مش النفاق  ضد مبادئ المجتمع ؟

للاسف هو ده الاسلام  و هو كده انتشر  و دليل علي استخدام العنف في نشر الاسلام هي هذه الاية 
{ قَاتِلُوا الَّذِينَ لَا يُؤْمِنُونَ بِاللَّهِ وَلَا بِالْيَوْمِ الْآخِرِ وَلَا يُحَرِّمُونَ مَا حَرَّمَ اللَّهُ وَرَسُولُهُ وَلَا يَدِينُونَ دِينَ الْحَقِّ مِنَ الَّذِينَ أُوتُوا الْكِتَابَ حَتَّى يُعْطُوا الْجِزْيَةَ عَنْ يَدٍ وَهُمْ صَاغِرُونَ } 


قَاتِلُوا الَّذِينَ لَا يُؤْمِنُونَ بِاللَّهِ وَلَا بِالْيَوْمِ الْآخِرِ ... الله يأمر السملين ان يقاتلو الغير مؤمنين ! حتي يدخلو في الاسلام او يدفعو الجزية ...
هل مش كده يبقي انتشر الاسلام بالسيف و بالعنف  ؟ 
فطبيعي جدا يبقي الخروج عن الاسلام عقابه القتل

طبعا حد المرتد - الاعدام-  ينفذ في الدول الاسلامية زي السعودية و باكستان و ايران
و في مصر يكتفو بتلفيق التهم و السجن عشان المفروض مصر دولة عالمانية ... 
انا للعلم بالشيء انا  منافق و سأبقي منافق للحفاظ علي مشاعر اهلي و اصدقائي  و حتي لا اصبح مجرم امام المجتمع
و سوف يأتي اليوم الذي يعلن فيه العربي عن الحاده بدون اي خوف


 

ما هو الاسلام

الاسلام ما هو الا اداة للسيطرة علي البشر و التحكم فيهم فيصبحو مثل برنامج الكمبيوتر لا يفعل الا ما برمج عليه
يفعل الخير فقط للحصول علي الحور عين و دخول الجنة
يصلي و يحج و يدفع الزكاة و يحفظ القران ليعتق من النار
فالمسلم ما هو الا اداه مسيرة  ليس قادر علي اتخاذ قرار


مع ان المفروض ان الخير يأتي من داخل الانسان
فالانسان ليس محتاج لبرمجة و يستطيع التمييز بين الخطا و الصواب و لا يحتاج لحافز ديني  لفعل الصواب
فمثلا ان المسلم عليه قول الحقيقة لان هذا من الدين و حتي يدخل الجنة و يتجنب دخول النار
لماذا علي الكافر اذن قول الحقيقة ؟
ان الكافر ليس مبرمج علي شيء فهو لا يؤمن بوجود جنة او نار
و هنا يأتي الدافع الاخلاقي الانساني الذي ليس مبني علي اي دين او عقيدة
و ايضا هناك دافع  مادي فمثلا اذا كذب الانسان و اكتشف كذبة سيفقد مصداقيته
و اكبر دليل علي ان الدافع المادي اقوي هو ان الله وضع حد السرقة هو قطع اليد ! 


و هنا نجد ان كما يوجد دافع عند المسلم  يوجد دافع عند الكافر
و لكن اري ان دافع الكافر اقوي حيث ان المسلم يكذب بل و يحلف بالله علي كذبه هذا و يصوم ثلاث  ايام فيصبح و كأن شيء لم يكن !
فبالتالي الدافع الديني ليس قوي كالدافع الاخلاقي و الدافع المادي


فبالتالي الانسانية ليست محتاجة الي دين قوي لضبط الانسانية و النظام و العدل
و لكن محتاجة الي الاخلاق و العلم و تحقيق العدالة و تطبيق القانون حتي لا تعم الفوضي العالم
و دليل علي ان الدين لن يجلب التقدم هو ان الدول ال"ملحدة" هي من اغني دول العالم
و في نفس الوقت الدول ال"مسلمة" تعتبر في قاع العالم و تنتشر بها الجريمة و الفقر و تدهور حالها الاقتصادي و الاخلاقي !
 
فان المسلمين يدعون الكفار انهم بلا عقيدة فيعيشو حياة بلا هدف بلا معني !
فحياتهم هي التي لها معني 
المسلم هدفه في الحياه هو العبادة و العبادة فقط  (وما خلقت الجن والإنس إلا ليعبدون) فهل هذه حياة ؟ ان تكون عبدا ؟ 


و لكن تختلف معاني الحياة من انسان الي اخر فكل انسان يسعي الي تحقيق حلمه و تحقيق السعادة و هو دافع يجعل الانسان يعمل بكل ما لديه من طاقة لتحقيق حلمه في الوقت الذي يتكاسل فيه المسلم و و يقول ان كل انسان منقضي امره و ان تاريخ حياته مسجل و انه لم يحصل الي علي ما كتب له


نتيجة لكل هذا نجد ان ال"كفر" افضل من ال"اسلام"
1)حيث ان الدافع الانساني (الاخلاقي و المادي) اقوي من الدافع الديني
2) المسلم مؤمن بالقضاء و القدر و ان هناك جنة في انتظاره فلا يعمل في حياته و ينغمس في الامور الدينية
فالانسان الكافر اكثر انتاجية من الانسان المسلم حيث نجد معظم الاغنياء و العلماء و الناجحين من الملحدين و ان الدول المسلمة في قاع العالم من الناحية المادية و الاخلاقية حتي !

القرأن هل حقا ميسر ؟

(وَلَقَدْ يَسَّرْنَا الْقُرْآنَ لِلذِّكْرِ فَهَلْ مِن مُّدَّكِرٍ ))




فعلا الكلام ده بجد ؟
 يعني انا لو قريت القرأن فهيبقي يسير و افهمو كده من غير ماخد دكتوراه في الفقه ولا ماجستير في اللغة العربية ؟
بجد ؟
طب ناخد مثال كده علي يسر القران ؟
طبعا كلنا عارفين الاية بتاعة الحجاب اياها


وَقُل لِّلْمُؤْمِنَـاتِ يَغْضُضْنَ مِنْ أَبْصَـارِهِنَّ وَيَحْفَظْنَ فُرُوجَهُنَّ وَلاَ يُبْدِينَ زِينَتَهُنَّ إِلاَّ مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ


بص يا سيدي انا بحثت عالنت لقيت تلات تفسيرات عكس بعض تماما للايه الي فوق دي
1) ناس فسروها ان النقاب فرض (محمد حسين يعقوب)
2) ناس فسروها علي ان الحجاب بس الي  فرض  (الشعراوي)
3)ناس فسروها و قالك ان لا نقاب ولا حجاب  ! (حسن البنا)


تخيل المهزلة !


طبعا لو القران يسير كان اي حد هيقرا الايه هيفهم جوهرها اول ما يقراها
مش كل واحد يقراها هيفهمها بطريقة شكل ولا ايه ؟
و للعلم بالشيء الناس الي مفسرينها دول شيوخ كبار و واخدين ماجستير و دكتوراه في الفقه و اللغة
فأكيد رأي واحد صح و الاتنين غلط اذا مكنش التلاتة غلط اصلا !
يعني ناس معاها  دكتوراه و مش فاهمين القران طب ازاي ميسر بقة ؟


طبعا و في امثلة بالعبيط في الحوار ده لا تحصي بس انا حبيت اجيب مثال واحد بس كفاية اوي
المهم يعني كده يبقي اثبتنا بالدليل الكافي ان القران صعب الفهم

الشعائر الدينية لماذا و لله الغني

بني الاسلام علي خمس
1)شهادة ان لا اله الا الله وان محمد رسول الله
2)اقام الصلاه
3)ايتاء الزكاه
4)صوم رمضان
5)حج البيت

اذا اعتبرنا ان الايمان بالله شيئ جميل و ان الله موجود و قوي و غني فلماذا يفرض علي عباده المطيعين حاجات ملهاش لزمة زي الصلاه و الصوم و الحج و جعلها هي بناء الاسلام و هي اول ما يسأل عليه العبد في القبر و متقوليش ان الحاجات دي هي الي بتحفظ العبد من انو يقع في الاخطاء لا يا بابا شوف كام واحد بيصلي و بياخد رشوة ولا كام واحد حج بمال حرام و لا البلاوي الي بتحصل في رمضان بلاش نتكلم بس


و الي ميعملش الحاجات دي ربنا يحرقو بجاز وسخ و يعد يتعذب للابد لمجرد انه مصلاش الصلاه في ميعادها (ويل للمصلين الذين هم عن صلاتهم ساهون ) طبعا ده  مش ظلم و افترا علي الخلق؟


معلش يعني ايه يعني مصلاش الصلاه في ميعاها ؟


هل ده هيفرق مع ربنا حاجة ؟


مش ربنا غني عن صلاته و عنده كل ملكوت الدنيا و صلاه عبد حقير اكيد متساويش حاجة عند ربنا العظيم الي الدنيا دي كلها تعتبر جناح بعوضة بالنسبة لربنا


يبقي ليه الاهتمام ده كلو بالصلاه و مش الخمسة بس ده ربنا كان عايز خمسين صلاه اصلا لولا ان الرسول اتشفعلنا و خلاهوملنا خمسة بس


معلش يعني حوار فاكس اوي حوار الصلاه و الصوم و الحج ده  و ملهاش لزمة كمان و دليل علي ان الاسلام دين خاطئ و انو دين ظالم لان ربنا بيدخل الظالم الجنة لو بيصلي و يصوم و يحرق الكافر حتي لو مكنش ظالم


مع ان الايمان بالله مش هيعمر الارض و المفروض ان الانسان مهمته تعمير الارض


و بعدين في ايه مستفزة اوي بتقول ( و ما خلقنا الانس و الجن الا ليعبدون ) .....


يعني ربنا خلقنا كده لمجرد اننا نعبدو يعني نعد في البيت و نعد نعبد ربنا لحد ما نموت دي مهمة الانسان في نظر الاسلام !

الاله اختراع انساني

طبعا كلنا عارفين المقولة الي بتقول ربنا عرفوه بالعقل
لما فكر الانسان اتطور و وصل انو يفكر تفكير منطقي قعد يسأل نفسو اسئلة ملهاش حل زي ايه الدنيا الي احنا عايشين فيها دي و ايه الي خلقها و خلقها ازاي ؟  فبالتالي الانسان قال ان فيه قوة اكبر من اي قوة هي الي عملت ده كلو و من هنا جت فكرة الاله و العباده  ليه و جت افكار تانية زي الحياه بعد الموت


  يعني مثلن المصريين القدماء هما الاخترعو الاله بتاعهم الي هو اكيد غلط بس ده بيوضح ان اختراع فكرة الاله هو اختراع انساني بالذات ان الرسل نزلو في اماكن كانو الناس بيعبدو حاجات تانية زي الاصنام و النار و الشمس فمعني كده ان فكرة وجود اله هو اختراع انساني مئة في المئة!


فيوجو ناس يسمو نفسهم  الرسل يقولولهم لا ربنا هو اعظم من ده كلو و هو الي خلق كل الحاجات دي فكان طبيعي ان فيه  ناس تصدق المنطق ده لان مفيش الي يثبت غيره بالذات ان فيه معجزات حصلت ساعتها و الي انا بسميها خدع بسيطة يقدرو يضحكو بيها علي الناس في الوقت ده مع انتشار الجهل و التخلف يعني مثلن تخيل ساحر من بتاع اليومين دول بتاع الخدع و الكلام الفاضي ده رجع بالزمن  و عمل الخدع دي قصادهم  طبعا  هيصدقوه و هيعملوه اله كمان و كان زمانك سيادتك عمال بتعبدو تلوقتي


بردو الي كان بيخلي الناس تمشي ورا الرسل هو كفرهم بالالهه بتاعتهم  اصلا
و بردو تخويف الناس من النار و ترغيبهم في الجنه


المهم فيه اسباب كتير اوي تخلي الناس تمشي ورا الرسل و تؤمن بيهم


بس اليثبت ان الرسل خطأ انهم كلهم ليهم عقيده مختلفه عن التاني يعني مثلن في عقيدة الاسلام ممكن الراجل يتجوز اربعة انما في المسيحية واحدة فقط  ...


و بردو لما جه المسيح بتاعهم اليهود مأمنوش بيه مش بس كده و صلبوه و هو مسلوب الاراده فده دليل علي انو مش رسول لانو لو رسول بجد كان اثبت ساعتها للعالم كلو انو رسول و خلي العالم يشوف معجزاته


و بالنسبة لحوار فرعون ده و البحر الي انشق مفيش دليل يثبت انو اتشق فعلن و لو عندك وريهوني يا سيدي


و قصص كتير اوي منها قصة ان الارض غرقت و مركب نوح و الليلة دي


كل دي قصص مفيش دليل علي حقيقتها غير قصص بنسمعها من الاجداد


المهم تلوقتي ان اديان الرسل لو اي واحد قعد يفكر بمنطقيه هيلاقي انهم مفرقوش حاجة عن الاديان التانية الي اخترعها الانسان فهي بردو تعتبر من خلق الانسان

كيف وصلت لهذا التفكير ؟

الحقيقة اني كنت مؤمن بالله ايمان اعمي وكنت مواظب علي الصلاة  كمان بس بطلت قجأة  كنت حاسس اني الي بعملو ده حاجة ملهاش لزمة و المهم اعرض بقة الاسباب الي خلتني اوصل للتفكير بعدم وجود الله

تعاليم الاسلام المتخلفة زي
1) فرض النقاب
2) الرجل من حقه  الزواج بأربعة
3) تحريم الموسيقي و الغناء 
4) تحريم التفكير في الغيبيات
5) الفتاوي المتخلفة زي ارضاع الكبير
6)بردو الايمان بالسحر و الجان و العفاريت يعتبر من ضمن الايمان بالاسلام
7) الرجل من حقة ضعف حق الست في الورث
8) تحريم البنوك
9) تحريم العمل مع الغير مسلمين
10)السماح للزوج بضرب زوجته
11) و اخيرا ان الحد في الالحاد هو القتل !

من الاسباب المقنعة ان الاسلام غلط هو مقولة ان معجزة الاسلام هو القران و انه ميسر للناس و اي حد ممكن يفهمو
ازاي بقة و كل ايه ليها تلات الاف تفسير و كل تفسير عكس التاني ...

بردة من الاسباب الي خلتني اتخنق و اجيب اخري هي القنوات الدينية الي شغالة ليل مع نهار عكننة علي الناس
طبعا شغالين كلام اهطل و متخلف و ملهوش لزمة
اربعة و عشرين ساعة موراهمش حاجة غير انهم يوصفو في النار و مدي العذاب او يوصفو في حور العين و مدي روعة الجنة
غير طبعا القضايا التعبانة الي متكررة الي تفقع المرارة زي النقاب و التعامل مع البنوك و كل الكلام الفاضي الي مضيعين عليه حياتنا

طبعا كل دي اسباب كافية ان الواحد يفكر التفكير ده
المهم انا قولت كل الحاجات الي جت في بالي و بعد همسك حتة حتة اشرح فيها بالمنطق و العقل عشان اثبت لنفسي علي الاقل ان الاسلام ده دين خاطي

فكري

1)انا فكري مش تبع لاي ديانة تانية عشان محدش يقولي تنصير و بتاع  لان ببساطة لو الاسلام غلط يبقي كل الاديان التانية غلط
2) انا رأي انا الدنيا اتخلقت عن طريق الصدفة البحتة (نظرية داروين و البيج بانج ) و محدش يقولي ان ده مش منطقي لان وجود اله اقل منطقيه اصلا بالذات انو مفيش دليل غير الكلام الي جي من الاجداد و طبعا احتمال يكون غلط
3)فكري السياسي ان الحل الامثل لحكم الدولة هو الحكم  الليبرالي المعتمد في الاساس علي حرية الفرد الشخصية و حرية التجارة و الصناعة و تطبيق نظام رأس المال و نظام السوق تطبيق اعمي و جعل الدعم علي مشاريع البنية التحتية و الغاء الجمارك الخ ....
4) الي مخليني بس لسة مكفرتش بالاسلام بنسبة مية في المية  ان ربنا قال ان كل حاجة بتحصل لسبب فممكن يكون ربنا حط الاسباب الي تخلي الدنيا تتخلق بالذات و انو مفيش حاجة ربنا خلقها مرة واحدة كده و ان ربنا خلق الدنيا في ست ايام و ده بيمشي مع النظريات العلمية الحديثة الي اثبتت ان العالم متكونش كده مرة واحدة

لماذا انشئت هذه المدونة

1) عشان من كتر الكتمان الي انا فيه كنت حاسس اني هطق !
2) عشان لقيت زيها كتير بس كلو نازل قلة ادب في شتيمة من غير كلام منطقي فقلت ليه معبرش بطريقة تكون منطقية و علمية في تببن الحقيقة من غير قلة ادب و شتيمة
3)انا لسة مكفرتش بس علي وشك من كتر الي بشوفه  و عامل المدونة دي عشان اقطع الشك باليقين يا الاسلام صح يا غلط ! علي جميع الاحوال انا خترت الاسم ده للمدونة عشان وصلت لنسبة 99% ان الاسلام غلط و 1% انو صح فعشان كده انا شايف اني اعتبر خلاص معودتش مسلم
4) الهدف منها هو مش اني اروج لافكاري ولا اني اقلب المسلمين علي الاسلام لان المسلم الصح مفيش كلام هيأثر فيه فياريت لو كلامي مش عجبك امشي و سيب المدونة في حالها  , الهدف هو اني اطلع الكلام الي في قلبي و خلاص